Faoiseamh cánach d’infheisteoirí i gcuideachtaí luathchéime

Cabhraíonn an Dreasacht Infheistíochta Fostaíochta (DIF) le fiontair bheaga agus mheánmhéide infheistíocht a mhealladh trí fhaoiseamh ó Cháin Ioncaim a thairiscint d’infheisteoirí príobháideacha. Tá an chuid is mó de ghníomhaíochtaí trádála san áireamh sa scéim ach eisiatar seirbhísí gairmiúla áirithe amhail seirbhísí dlí agus leighis. 

D’fhéadfá a bheith incháilithe má: 

• Is micrifhiontar nó FBM neamhluaite í do chuideachta, a dhéanann trádáil cháilitheach 

• Tá cuideachta nua agat nach bhfuil tús curtha lena hoibríochtaí go fóill 

• Tá cuideachta agat atá ag feidhmiú níos lú ná seacht mbliana ó do chéad díolachán tráchtála 

• Tá cuideachta agat atá ag feidhmiú níos lú ná deich mbliana ó ionchorpraíodh é 

• Tá do chuideachta ag leathnú isteach i ngníomhaíocht eacnamaíoch nua 

Tá incháilitheacht faoi réir téarmaí agus coinníollacha atá le fáil ar shuíomh gréasáin na gCoimisinéirí Ioncaim. 

Is féidir le do chuideachta €5.5 milliún a chruinniú in aon tréimhse 12 mhí, suas go teorainn saoil de €16.5 milliún. Is féidir le infheisteoirí faoiseamh cánach ioncaim a fháil ar infheistíochtaí le haghaidh scaireanna i do chuideachta suas go dtí teorainneacha áirithe gach bliain chánach. 

Ní mór na cistí a chruinníonn tú a úsáid chun críche cáilithe. Caithfidh an infheistíocht a bheith bunaithe ar phlean gnó. Ní mór do do chuideachta a léiriú go gcuirfidh an infheistíocht go díreach le cruthú nó le cothabháil fostaíochta sa chuideachta nó mura bhfuil do chuideachta ag trádáil go fóill go mbainfidh do chuideachta úsáid as an infheistíocht le haghaidh gníomhaíochtaí taighde agus forbartha.